Atyniadau
Mae gan Gaernarfon - y dref a'r ardal o'i chwmpas - lu o atyniadau cyffrous i gadw pob un aelod o'r teulu'n hapus, a phob un ohonynt yn cynnig profiad gwerth chweil. Gallwch roi cynnig ar bysgota am grancod yn afon Seiont, ymweld â'n castell canoloesol - mae rhywbeth at ddant pawb!
Mae'r rhestr isod yn siŵr o gynnig rhywbeth yng Nghaernarfon a fydd yn apelio atoch.
Canolfan Dreftadaeth Cae'r Gors
phone: 01286 831715
Gallwch ymweld â Chae'r Gors, a fu'n gartref i'r llenor Kate Roberts. Trwy ffilm, ystafell ddehongli hanes yr ardal gyda'r offer diweddaraf, a thaith o gwmpas y tŷ a ddodrefnwyd fel yr oedd 100 mlynedd yn Ôl, cewch olwg ar ffordd o fyw unigryw'r tyddynwyr/chwarelwyr.
Castell Caernarfon
phone: 01286 677617
Castell Caernarfon
Cawres o gaer. Mae cadernid anhygoel Castell Caernarfon yn bresenoldeb bygythiol. Byddai ymosod ar y strwythur enfawr hwn wedi bod yn syniad brawychus. Drwy ddefnyddio carreg i bwysleisio ei awdurdod, creodd y Brenin Edward I un o’r cestyll mwyaf trawiadol yng Nghymru. Yn gwbl haeddiannol o statws Treftadaeth y Byd.
Yr Hwylfan
phone: 01286 671911
Atyniad i'r teulu cyfan sydd wedi ennill llu o wobrau. Dewch i fwynhau'r ganolfan chwaraeon antur dan do fwyaf a gorau yn y Gogledd. Sleidiau anferth, â chwymp o 25 troedfedd, rhaffau siglo, pyllau peli, pontydd rhaff. Cornel chwarae ar wahân ar gyfer plant dan 5 oed, caffi a phatio.
Fron Goch
phone: 01286 678912
Am bob person gyda bysedd gwyrdd mae un arall heb unrhyw ddiddordeb mewn garddio o gwbl. Felly, beth wnewch chi efo grŵp â chymysgedd o bobl fel hyn?
Traeth Dinas Dinlle
phone:
Chwe milltir i'r de o Gaernarfon, (dilynwch yr arwyddion oddi ar yr A499) fe welwch draethau Baner Las helaeth Dinas Dinlle. Maent yr un mor boblogaidd gan ymwelwyr ag ydynt gan bobl leol, ac mae caffis a siopau difyr yno - diwrnod i'r brenin i bawb o'r teulu. Ac fe gewch gyfle gwych i bysgota am ddraenogiaid y mÔr gyda'r nos.
Gelli Gyffwrdd
phone: 01248 671493
Antur i’r teulu yn Gelli Gyffwrdd – diwrnod i’r brenin go iawn! Bydd eich teulu wrth eu boddau’n reidio’r Ddraig Werdd – y certiau sglefrio cyntaf yn y byd i gael eu pweru gan bobl a Sleid y Ddraig Werdd – y sleid hiraf yng Nghymru. Mae Cychod y Jyngl yn ffefrynnau gan bawb – llywiwch y cychod o amgylch y cwrs gan ddefnyddio rhaffau a rhwyfau. Mae’r Goedwig Creu Ffau yn lle anhygoel i bawb weithio efo’i gilydd i greu ffau.